11.09c
Երեվան
հնգ, ապր 25
Թուրքիոյ արտաքին գործոց նախարար Մեւլութ Չաւուշօղլուն հանդիպած է Աֆղանիստանի հաշտեցման հարցերով ԱՄՆ յատուկ ներկայացուցիչ Զալմայ Խալիլզատին, յայտնած է Ahval թերթը, նշելով, որ հանդիպումը կայացած է Ուզպեքստանի մայրաքաղաք Թաշքենտի մէջ:
Հանդիպումէն ետք Թուրքիոյ արտաքին գործոց նախարարը նշած է, որ «միտքեր փոխանակած են Աֆղանիստանի խաղաղ կարգաւորման գործընթացի եւ տարածաշրջանային զարգացումներու վերաբերեալ»:
Բացի անկէ՝ Չաւուշօղլուն հանդիպած է նաեւ Աֆղանիստանի նախագահ Աշրաֆ Ղանիի եւ արտաքին գործոց նախարար Հանիֆ Աթմարի հետ:
Յիշեցնենք, որ Թուրքիան համաձայնած է, Սեպտեմբերին ՆԱԹՕ-ի զօրքերու դուրսբերումէմ ետք, վերահսկողութիւն հաստատել Քապուլի միջազգային օդակայանի վրայ՝ ՆԱԹՕ-ի հետ կնքելով 130 միլիոն տոլար արժողութեամբ պայմանագիր:
Յայտնի է, որ թրքական զօրքերը 2003 թուականէն ի վեր տեղակայուած են Աֆղանիստանի մէջ ՆԱԹՕ-ի առաքելութեան ներքոյ, սակայն մարտական գործողութիւններու չեն մասնակցիր: Չմերժելով «Թալեպան»-ի եւ կառավարութեան միջեւ Քապուլի մէջ խաղաղ բանակցութիւններ վարելու վերաբերեալ Ուաշինկթընի խնդրանքը՝ Անգարան հակամարտութեան մէջ աւելի աշխոյժ դիւանագիտական դեր ստանձնած է այս տարուան սկիզբէն։
Յիշեցնենք նաեւ, որ Միացեալ Նահանգներու զօրքերու դուրսբերման զուգահեռ թալեպները գրաւած են երկրի զգալի մասը`վերահսկողութիւն սահմանելով Տաճիկստանի հետ սահմանի գրեթէ ամբողջ երկայնքով:
