-4.91c
Երեվան
հնգ, դկտ 05
Ազգային ժողովը առաջին ու երկրորդ ընթերցմամբ եւ ամբողջութեամբ քննարկեց եւ ընդունեց 3 դեկտեմբերին մեկնարկած նիստի օրակարգին վրայ ընդգրկուած նախագիծերը, անոնց շարքին՝ համաձայնագիրները:
Առաջին ընթերցմամբ ընդունուած նախագիծերու շարքին էր «Պետական տուրքի մասին» օրէնքին մէջ փոփոխութիւններ կատարելու նախագիծը, որով կ'առաջարկուի բարձրացնել քաղաքացիութիւն ստանալու եւ քաղաքացիութիւնը դադրեցնելու համար նախատեսուած պետական տուրքը: Կ'առաջարկուի քաղաքացիութեան շնորհման համար 1000 դրամ պետական տուրքի փոխարէն սահմանել 50 հազար պետական տուրք, իսկ դադրեցման 25 հազար դրամի փոխարէն՝ 150 հազար պետական տուրք: Փախստականներուն համար կը գործէ տուրքէն ազատման բաղադրիչ. այդ կը վերաբերի ԼՂ-էն բռնի տեղահանուածներուն:
Ամբողջութեամբ ընդունուեցաւ նաեւ 2025 թուականի պետական պիւտճէի նախագիծի վերանայուած տարբերակը, որու համաձայն՝ փոխուած են եկամուտները, ծախսերը, բացը: Վերանայուած նախագիծով ՀՆԱ-ն (Համախառն ներքին արդիւնք) կանխատեսուած է 10 թրիլիոն 891 միլիառ դրամ, տնտեսական աճը՝ 5,1%: Այս նախագիծին խորհրդարանական ընդդիմութիւնը դէմ քուէարկեց:
Ընդունուեցաւ նաեւ «ՀՀ-ի եւ Եւրասիական զարգացման դրամատան միջեւ Կայունացման եւ զարգացման եւրասիական հիմնադրամի միջոցներէն «Քաջարանի փակուղիի շինարարութիւն» ծրագրի ֆինանսաւորման համար ներդրումային վարկի տրամադրման մասին» համաձայնագիրը վաւերացնելու մասին նախագիծը, որով կը նախատեսուի տրամադրել 200 միլիոն տոլարի վարկ:
