• 274
• 29/06/2023

Ատրպէյճանը պէտք է ապաշրջափակէ Լեռնային Ղարաբաղի . Amnesty International

Ատրպէյճանի իշխանութիւնները պէտք է վերացնեն Լեռնային Ղարաբաղի շրջափակումը եւ վերջ տան ծաւալող մարդասիրական ճգնաժամին։ Այս մասին իր թուիթըրեան էջին գրած է Amnesty International միջազգային իրաւապաշտպան կազմակերպութիւնը:

Կազմակերպութիւնն անդրադարձած է Ատրպէյճանի կողմէ Արցախի շրջափակման՝ յիշեցնելով, որ 15 յունիսէն Ատրպէյճանը դադրեցուցած է բոլոր տեղաշարժերը Լաչինի միջանցքով, որ անջատուած Լեռնային Ղարաբաղը Հայաստանին կապող միակ ճանապարհն է. տարածաշրջանը շրջափակման մէջ է 2022 թուականի դեկտեմբերէն:

Յաջորդ թուիթին մէջ Amnesty International-ը յիշեցուցած է, որ 26 յունիսին Կարմիր խաչի միջազգային կոմիտէին թոյլ տրուած է վերսկսիլ ծանր հիւանդներու տարհանումը։ Այնուամենայնիւ, հիւանդանոցներու մէջ դեղերու եւ բժշկական պարագաներու սուր պակաս կայ։

Amnesty International-ը գրած է, որ Լեռնային Ղարաբաղի բնակիչներն այդ ժամանակէն կ'ապաւինին ռուսական խաղաղապահ ուժերու եւ Կարմիր խաչի մարդասիրական օգնութեան: Ատրպէյճանցի զինուորներն այժմ կ'արգելափակեն  օգնութեան մեքենանաերու շարասիւներու ելքը, մուտքը, եւ մարդասիրական ճգնաժամը կը խորանայ։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել