28.09c
Երեվան
երք, օգս 18
Յունիս 16-ին՝ ժամը 10:00-ին, Ատրպէյճանի Զինուած ուժերու ստորաբաժանումները տարբեր տրամաչափի հրաձգային զէնքերէ կրակ բացած են Երասխի մէջ օտարերկրեայ ներդրումներու միջոցով կառուցուող մետաղագործական գործարանի ուղղութեամբ:
Այս մասին յայտնած են ՀՀ պաշտպանութեան նախարարութենէն։
Յիշեցնենք, որ 15 յունիսին՝ ժամը 11:45-ին, Ատրպէյճանի Զինուած ուժերու ստորաբաժանումները կրակ բացած էին Տեղի հատուածին մէջ տեղակայուած հայկական դիրքերու ուղղութեամբ՝ կիրառելով նաեւ ականանետ:
ՀՀ ԱԱԾ սահմանապահ ծառայութիւնն իր հերթին յայտնած էր, որ 15 յունիսին՝ ժամը 08:40-ի սահմաններուն, Ատրպէյճանի սահմանապահ ծառայութեան խումբ մը զինծառայողներ Հակարիի կամուրջի ուղղութեամբ յառաջխաղացման փորձ կատարած են՝ ՀՀ տարածքին մէջ դրօշ տեղադրելու նպատակով:
Յունիս 14-ին Ատրպէյճանը եւս կրակ բացած էր Երասխի ուղղութեամբ:
