28.09c
Երեվան
հնգ, օգս 13
Հայաստանի վարչապետ Նիկոլ Փաշինեանը յայտարարած է, որ առաջիկային Հայաստանէն արտահանումներ պիտի ըլլան Ատրպէյճան։
Այդ մասին վարչապետը յայտարարած է ՀՀ կառավարութեան նիստէն ետք լրագրողներու հետ ճեպազրոյցին՝ պատասխանելով «Արմէնփրէս»-ի հարցին, որ այս պահուն հիմնական Ատրպէյճանը դէպի Հայաստան արտահանում կը կատարէ, իսկ Հայաստանէն Ատրպէյճան արտահանում չէ եղած, հնարաւո՞ր է արդեօք առաջիկային Հայաստանէն որեւէ ապրանք արտահանուի Ատրպէյճան։
«Ադրբեջանի հետ ապրանքների փոխադարձ առեւտրի մասով օրակարգը կայ, եւ առաջիկայում նաեւ Հայաստանից արտահանումներ կը լինեն Ադրբեջան»,-ըսած է վարչապետ Նիկոլ Փաշինեանը՝ չյստակեցնելով, թէ ինչ ապրանքների մասին է խօսքը։
Յիշեցնենք, որ 2026 թուականի յունուարին ՀՀ վարչապետ Նիկոլ Փաշինեանը յայտարարած էր, որ Հայաստանն ու Ատրպէյճանը առուվաճառքի հնարաւոր ապրանքներու ցանկ փոխանակած են։ Ատրպէյճանն ալ այս ընթացքին հիմնական պենզին եւ տիզվառելիք արտահանած է Հայաստան։
