Արմէն Գրիգորեան հանդիպումներ կ'ունենայ Ուաշինկթընի մէջ

Արմէն Գրիգորեան հանդիպումներ կ'ունենայ Ուաշինկթընի մէջ

Հայաստանի Անվտանգութեան խորհուրդի քարտուղար Արմէն Գրիգորեան հանդիպումներ կ'ունենայ Ուաշինկթընի մէջ։

ԱՄՆ Ներկայացուցիչներու պալատի հայկական յանձնախումբի համանախագահ Ֆրանք Փալոնի հետ Գրիգորեան քննարկած է երկկողմ յարաբերութիւններուն օրակարգը, մասնաւորապէս՝ Հայաստանի ժողովրդավարացման գործընթացները, ուժանիւթային ոլորտի զարգացումները, ինչպէս նաեւ կլիմայի փոփոխութեան դէմ պայքարը։

Գրիգորեան ներկայացուցած է Հայաստանի մօտեցումները տարածաշրջանի ապաշրջափակման վերաբերեալ։ Շարք մը հարցերու մէջ քննարկուած են նաեւ Հայաստանի արտաքին քաղաքականութեան առաջնահերթութիւնները։

Անվտանգութեան խորհուրդի քարտուղարը հանդիպած է նաեւ ԱՄՆ պետական քարտուղարի տեղակալի պաշտօնակատար Տերիք Հոկանի հետ։ Քննարկուած են տարածաշրջանային զարգացումները, երկարաժամկէտ խաղաղությեան հաստատման հեռանկարները եւ Հայաստանի տարածաշրջանային դերակատարութիւնը։