7.09c
Երեվան
ուրբ, փտր 13
Արցախի մէջ ինքնաշարժի վթարի հետեւանքով ծանր վնասուածք ստացած երեխան ռուս խաղաղապահներու ուղղաթիռով տեղափոխուած է Երեւան։ Այս մասին ֆէյսպուքեան իր էջով գրած է Արցախի պետական նախարար Արտակ Բեկլարեանը։
«Յունուարի 19-ին Ճարտար քաղաքում տեղի ունեցած ավտովթարի հետեւանքով չորս երեխայ է վնասուածք ստացել, որոնցից երեքը՝ միջին ծանրութեան, իսկ մէկը՝ ծանր՝ ողնաշարի բարդ կոտրուածքով: Հաշուի առնելով վերջինիս կոտրուածքի բարդութիւնը ու վտանգաւորութիւնը՝ բժիշկների ցուցմամբ նրան պէտք էր տեղափոխել Երեւան ուղղաթիռով: ԱՀ կառավարութիւնը դիմել է ՌԴ խաղաղապահ զօրակազմին՝ ուղղաթիռի տրամադրման խնդրանքով, որը բաւարարուել է նրանց կողմից, սակայն երէկուայ վատ եղանակային պայմանների պատճառով թռիչքը տեղի է ունեցել այսօր առաւօտեան: Երեխան հիմա գտնւում է Երեւանում՝ բժիշկների վերահսկողութեան տակ: Նրա կեանքին վտանգ չի սպառնում, սակայն նախատեսւում են ծանր ու բարդ վիրահատութիւններ, եւ, յուսանք, կը յաջողուի նրա առողջութիւնը հնարաւորինս վերականգնել:
2020թ. պատերազմից յետոյ սա առաջին դէպքն է, երբ ուղղաթիռի օգտագործման նման հրատապ կարիք է ծագել, եւ, բարեբախտաբար, յաջողուել է խնդիրը լուծել: Կ'ուզէի յատուկ շնորհակալութիւն յայտնել ՌԴ խաղաղապահ զօրակազմին եւ հրամանատար, կեներալ-մայոր Անտրէյ Վոլքովին՝ այս մարդասիրական բնոյթի սուր խնդիրն արագ ու արդիւնաւէտօրէն լուծելու համար: Սա Արցախում ռուս խաղաղապահների մարդասիրական գործունէութեան եւ մեր համագործակցութեան հերթական օրինակն է», գրած է ան։
