0.09c
Երեվան
երկ, դկտ 30
Բնիկ լիբանանահայ Ալպէրթ Իսկիկեան օրերս մահացաւ Միացեալ Նահանգներու մէջ։
Այս առթիւ «Արեւելք»ի բարեկամուհի եւ հանգուցեալի զարմիկ Սիլվա Մահրէճեան-Իսկիկեան կատարած է սրտառուչ գրառում մը, որ կը ներկայացնենք ստորեւ՝
Սիրելի հօրեղբօրորդիս Ալպէ՛րթ, ո՞վ կ՚ըսէր, որ սա մեր վերջին հանդիպումը պիտի ըլլար...:
Բոլոր քեզ ճանչցողներս այսօր խոր կսկիծով կոտտանք բաժանումդ, միաժամանակ արդարօրէն կը վկայենք քու բարեմասնութիւններդ՝ բարութիւնդ, անձնուէր ու ծառայասէր հոգիդ, ընտանիքիդ ու բարեկամներուդ հանդէպ անսակարկ սէրդ, միշտ գոհունակ ու ժպտուն ներկայութիւնդ, ի նպաստ ազգին ու եկեղեցիին կատարած ծառայութիւններդ, երաժշտասիրութիւնդ ու յատկապէս այլազան նուագարաններ նուագելու տաղանդդ ( trombone, french horn, euphonium, violin), որ վաղ երիտասարդութենէդ մինչեւ օրս այլազան եկեղեցիներու սրահներէն ներս հնչեցուցիր՝ Պէյրութէն մինչեւ Միացեալ Նահանգներ։
Այս Ծննդեան տօնին դժբախտաբար պիտի չկարենաս եկեղեցւոյ սրահը ջերմացնել քու նուագովդ։ Կարելի՞ է պատկերացնել Ծննդեան երգերը առանց քեզի։ Քրոջմէդ իմացայ, որ երգելով մահացար…։
Իմացիր, որ սիրելիներուդ միակ մխիթարութիւնը այն է, որ այժմ կը գտնուիս երկնային Հօրդ տան մէջ եւ արժանի ես Տիրոջ խօսքին. « Ալպէ՛րթ, բարի պատերազմը պատերազմեցար, ընթացքը կատարեցիր, հաւատքդ պահեցիր»:
Խորին ցաւակցութիւններս բոլոր քեզ ճանչցողներուն, մասնաւորաբար տիկնոջդ՝ Ազնիւին, քրոջդ՝ Ռօզալինին, եղբօրդ՝ Ռօպէրթին եւ իրենց ընտանիքի անդամներուն։
Սիրելի՛, Ալպէ՛րթ, քեզ բնաւ չենք կրնար մոռնալ
