4.09c
Երեվան
երկ, դկտ 22
Իլհամ Ալիեւը պիտի չմասնակցի Ս. Փեթերսպուրկի մէջ կայանալիք ԱՊՀ երկիրներու ղեկավարներու ոչ պաշտօնական գագաթնաժողովին: Այդ մասին AZERTAC պետական լրատուական գործակալութեան յայտնած է Ատրպէյճանի նախագահի աշխատակազմը։
«Ալիեւ Ս. Փեթերսպուրկ պիտի չմեկնի աշխատանքային խիտ ժամանակացոյցի պատճառով»,-յայտնած է Ալիեւի աշխատակազմը։
Վարչակազմը պարզաբանած է նաեւ Ատրպէյճանի նախագահի՝ դեկտեմբեր 21-ին Ս. Փեթերսպուրկի մէջ կայացած Եւրասիական տնտեսական խորհուրդի նիստին չմասնակցելու պատճառները:
«Նախագահ Իլհամ Ալիեւը պիտի չմասնակցի դեկտեմբեր 21-ին կայացած Եւրասիական տնտեսական խորհուրդի նիստին, քանի որ Ատրպէյճանը Եւրասիական տնտեսական միութեան անդամ չէ»,-ըսուած է հաղորդագրութեան մէջ:
Յիշեցնենք՝ դեկտեմբեր 22-ին պիտի կայանայ ԱՊՀ երկիրներու ղեկավարներու ոչ պաշտօնական գագաթնաժողովը, որուն պիտի մասնակցի նաեւ ՀՀ վարչապետ Նիկոլ Փաշինեանը:
