29.09c
Երեվան
հնգ, օգս 14
Օգոստոս 15-ին պիտի փակուի Ալասքայի Անքորիճ քաղաքի օդային տարածքը։ Անքորիճի մէջ պիտի կայանայ ԱՄՆ-ի եւ Ռուսիոյ նախագահներ Տանըլտ Թրամփի եւ Վլատիմիր Փութինի հանդիպումը։ Այս մասին հաղորդած է ԱՄՆ քաղաքացիական օդագնացութեան դաշնային վարչութիւնը (FAA)։
Գերատեսչութիւնը հրապարակած է «VIP անձի տեղաշարժի մասին ծանուցում»։ Ատոր մէջ կը նշուի, որ երկինքը պիտի փակուի 30 մղոն (48,3 քմ) շառաւիղով։ Սահմանափակումները պիտի վերաբերին մինչեւ 18 000 ոտնաչափ (5,5 քմ) բարձրութեան եւ պիտի հանուին Օգոստոս 16-ին։
Թրամփ–Փութին հանդիպման օրակարգին մէջ է ռուս–ուքրանական հակամարտութեան կարգաւորումը։ ԱՄՆ նախագահը յայտարարած է, որ Ուքրանիոյ ղեկավարը պիտի չմասնակցի Ալասքայի մէջ կայանալիք հանդիպման։
