-2.91c
Երեվան
ուրբ, հնվ 02
Առնուազն երկու մարդ զոհուած է Իրանի հարաւային կողմը գտնուող Շիրազ քաղաքի սրբավայրի վրայ յարձակման հետեւանքով, յայտնած է IRNA-ն:
Լրատուամիջոցները կը տեղեկացնեն, որ յարձակումը, որ տեղի ունեցած է կիրակի երեկոյեան, ուղղուած եղած է Շիրազի կեդրոնին մէջ գտնուող իրանեան սրբավայրի՝ Շահ Չերախի դամբարանի դէմ։
Նշուած է, որ յարձակողը կրակ բացած է մարդոց վրայ՝ երբ սրբավայրի դարպասներու մօտ բախած է պահակներուն։
Միջադէպի վերաբերեալ պաշտօնական հաղորդագրութիւն դեռ չէ ստացուած։
Շահ Չերախի դամբարանը անցեալ տարուան հոկտեմբերին խոշոր ահաբեկչութեան թիրախ դարձած էր, որու հետեւանքով զոհուած էր 15 մարդ։
