10.09c
Երեվան
հնգ, հկտ 22
Յորդանան- Սուրիա սահմանային անցքերուն շուրջ ապահովական զգուշաւոր մթնոլորտ կը տիրէ: Այս մասին կը գրէ «Ալ Տիար»ը նշելով, որ Յորդանանի ապահովական մարմինները մեծաքանակ թմրանիւթերու մաքսանենգութեան գործողութիւն ձախողցուցած են:
Աղբւրը կը նշէ, որ մաքսանենգերէն երեքը ձերբակալուած են, իսկ միւսները փախուստի դիմած դէպի սուրիական հողեր:
Յորդանանեան բանակը այս մասին երէկ իր զեկոյցին մէջ յայտարարած էր, նշելով, որ բախումները սկսած են, երբ նկատած են, որ «անձեր Սուրիոյ կողմէ կը փորձեն Յորդանանեան հողեր մտնել»,- աւելցնելով, որ «խուզարկումէ ետք, անոնց մօտ գտնուած է մէկ Քլաշինքով, 2672 փամփուշտ, 611 կտոր թմրանիւթ, 103010 Թրամատոլ դեղահատեր եւ 223 քեփթակոն հապեր, որոնք փոխանցուած են իրաւասու մարմիններուն»:
