30.09c
Երեվան
ուրբ, սպտ 25
Շաբաթ մը առաջ նաւաբեկման ենթարկուած Թէքէեան ընտանիքի հօր թաղումը տեղի պիտի ունենայ վաղը: Այս մասին «Արեւելք» տեղեկութիւն ստացաւ Թէքէեաններու հարազատ Նայիրի Պաթրունեանէն: Պաթրունեան, որ նաւաբեկման դէպքէն ետք Գերմանիայէն հասած էր Իզմիր, նաեւ նշեց, որ մինչեւ այս պահը իր մօր, քրոջ եւ անոր որդիին՝ Վահանին ճակատագիրը կը մնայ անյայտ: Նշենք, որ մեր ունեցած տեղեկութիւններով Յովհաննէս Թէքէեանի մարմինը պիտի ամփոփուի Իզմիրի Հայ Կաթողիկէ գերեզմանատան մէջ, թաղման վերաբերեալ կարգադրութիւնները կատարած է Պոլսոյ Հայոց Պատրիարքական տեղապահ Տ. Արամ Արք Աթէշեանը: Յիշեցնենք, որ Արինա Թէքէեան ցարդ միակ փրկուողը այս ծանր պատահարէն` չորս ժամ լողալէ ետք յաջողած էր ապահով կերպով հասնիլ Իզմիրի ափ:
