17.09c
Երեվան
երք, ապր 28
Եգիպտոսի մէջ հայրը պատժելու համար իր անչափահաս երեխան անոր մարմինը սեւ մեղրով պատած է։
Եգիպտական լրատուամիջոցները հրապարակած են երեխայի նկարը՝ փորի վրայ պառկած, պարանով կապուած փայտով եւ մարմնին վրայ՝ մեղր:
Եգիպտական «Ալ-Ուաթան» թերթը, վկայակոչելով անվտանգութեան անանուն աղբիւր մը, կը յայտնէ, որ երեխային անունը Մոհամէտ է, եւ ան կը բնակի Քալիուպիա նահանգի գիւղերէն մէկուն մէջ:
Երեխային մայրը ՝ Իմանը, եգիպտական թերթին տուած հարցազրոյցի ընթացքին բացատրած է, որ ինքը զարմացած է, երբ հայրը վերադարձած է իր աշխատանքէն եւ երբ դրացին տեղեկացուցած է, որ իր որդին գողութեան պատճառով նետուած է իրենց տան տանիքէն: Գողութեան պատճառով երեխային հայրը կապած է Մոհամետը եւ մեղր լեցուցած է անոր վրայ՝ մէկ ժամ ձգելով զինք տան տանիքը:
Մայրը նշած է, որ հայրը անցեալին ալ յարձակած է իր եւ երեխաներուն վրայ ` յիշեցնելով , որ իշխանութիւնները ձերբակալած են զինք:
Ըստ «Ալ-Ուաթան» թերթի հետ զրուցած հետաքննութեան ծանօթ աղբիւրներուն, հայրը տակաւին հետաքննութեան մէջ է, մինչդեռ երեխան պիտի ներկայացուի դատաբժշկութեան ՝ իր ստացած վնասուածքներուն չափն ու որակը պարզելու համար:
Կը նշուի նաեւ, որ ընկերային ցանցեր լուրը տարածած են ու ներկայացուցած մօր տագնապը, ուր ան կ'ըսէր. «Հայրը շատ դաժան կը վարուի իր որդիին հետ, եւ ես ոչինչ չեմ կրնար ընել: Ան կը սպառնար իմ հեղինակութիւնս արատաւորել: Կը խնդրեմ օգնեցէ՛ք եւ պաշտպանեցէ՛ք մեզ: Հայրը սեւ մեղրով պատած է զաւկիս մարմինը, որպէսզի միջատները «ուտեն» անոր մարմինը , երեխաս 6,5 տարեկան է, կը խնդրեմ օգնեցէ'ք, մեզի»։
