9.09c
Երեվան
հնգ, հկտ 08
Սուրիոյ Հոմս նահանգը յառաջիկայ շաբաթ պիտի դառնայ ամբողջութեամբ ընդդիմադիր զինեալներէ զերծ շրջան մը: Այս մասին կը փոխանցէ «Ալ Մայատին» կայանը նշելով, որ «Հայ Ալ Ուահր» շրջանի դատարկումով Հոմսի աւանները պիտի դառնան ընդդիմադիր զինեալներէ զերծ շրջաններ: Նախնական տուպեալներով այս առաւօտ շուրջ 130 ընդդիմադիր զինեալներ, իրենց ընտանիքներով դուրս եկան «Հայ Ալ Ուահըր» աւանէն եւ ուղղուեցան Հոմսի հիւսիսային «Ալ Տար Ալ Քապիրա» շրջան: Նշենք, որ երկու շաբաթ առաջ նոյնը եղած էր Դամասկոսի Տարայա շրջանին մէջ, ուր հարիւրաւոր ընդդիմադիր զինեալներ համաձայնած էին լքել քաղաքը եւ տեղափոխուիլ Իտլիպի շրջան: «Հայ Ալ Ուահըր» աւանին մէջ կայացած համաձայնութիւնը մաս կը կազմէ սուրիական կառավարութեան ընդդիմադիր շրջանները բանակցութեան ճամբով, իր տիրապետութեան տակ առնելու ընդհանուր քաղաքականութեան ծիրէն ներս կատարուող աշխատանքներուն մէջ: Ըստ նոյն աղբիւրին այսօրուան ընդդիմադիրներու տարհանումէն ետք յառաջիկայ օրերուն եւս մեծ թիւով զինեալներ դուրս պիտի գան այդ շրջանէն: Աղբիւրը կը նշէ, որ «Հայ Ալ Ուահըր»ի զինեալներուն մեծագոյն տոկոսը անդամ է «Սուրիոյ ազատ բանակ»ին եւ անոնց թիւը կը հասնի 500-ի:
