10.09c
Երեվան
հնգ, հկտ 08
Տահէշ ահաբեկչական խմբաւորումը մտադիր է գործողութիւններ կատարել Լիբանանի հարաւային Սայտա քաղաքին մէջ: Նշենք, որ անցնող օրերուն Լիբանանի մէջ իսլամ տարբեր պատասխանատուներ քննադատած էին Սայտայի մէջ օրերս ընթացող ամառնային «երգի փառատօն»ը նշելով, որ Սայտա «իսլամական» քաղաք է, եւ այդ փառատօնը անյարիր է իրենց ընդհանուր ըմբռնումներուն: Լիբանանի ապահովական մարմիններ լուրջ մտավախութիւններ ունին, որ Սայտայի մէջ գտնուող պաղեստինցի գաղթականներու «Այն Ալ Հըլուէ»ի գաղթակայանը կրնայ Տահէշի համար բոյն դառնալ, ու ահաբեկչական այդ խմբաւորումը հոնկէ ահաբեկչական ծրագիրներ իրականացնէ: Յիշեցնենք, որ առաջին անգամը չէ, որ կը խօսուի «Այն Ալ Հըլուէ» գաղթակայանին մասին, ուր կ'ապրին աւելի քան 150 հազար պաղեստինցիներ: Ըստ «Շարըք Ալ Աուսաթ» պարբերականին Տահէշի անդամ քառասունէ աւելի իսլամիստ զինեալներ ներկայիս կը բնակին այդ գաղթակայանէն ներս:
