8.09c
Երեվան
երկ, մրտ 30
Երեւանի «Հայացք» մամլոյ ակումբէն ներս Սահմանադրական բարեփոխութիւններու մասին իրենց մօտեցումները յայտնեցին Սոցիալ Դեմոկրատ Հնչակեան կուսակցութեան (ՍԴՀԿ) կեդրոնական վարչութեան ատենապետ Յակոբ Տիգրանեանը եւ ՍԴՀԿ Հայաստանի վարչութեան ատենապետ Նարեկ Գալստեանը: Սոցիալ Դեմոկրատ Հնչակեան կուսակցութիւնը ընդհանուր առմամբ, դրական կը գնահատէ սահմանադրական փոփոխութիւններու նախագիծը: Այս մասին ըսաւ ՍԴՀԿ կեդրոնական վարչութեան ատենապետ Յակոբ Տիգրանեանը՝ նշելով, որ այս եզրայանգման եկած են երկարատև քննարկումներէ յետոյ:«Կառավարման լաւագոյն տարբերակը խորհրդարանականն է, այնպես որ մենք չենք կրնար չողջունել այս փոփոխութիւնը»,- ըսաւ Յակոբ Տիգրանեանը՝ աւելցնելով, որ այս է դրական գնահատականի գլխաւոր հիմնաւորումը: «Սահմանադրական փոփոխութիւններուն հանդէպ մեր կեցուածքը դրական է եւ այս նոր առաջարկով մենք կը շրջանցենք նախագահական ընտրութիւնները: Միշտ ալ նախագահական ընտրութիւններէն յետոյ խախտուած է երկրի ներքաղաքական անդորրը, հիմա հնարաւոր է այդ մէկը շրջանցել: Բացի այդ՝ նախագահը առանձինն կը կառավարէ երկիրը եւ որեւէ կերպ հաշուետու չէ խորհրդարանին և ժողովրդին: Պէտք է վերացնել անհատապաշտութիւնը, որը հնարավորութիւն կու տայ նոր սահմանադրութեան»,- նշեց ՍԴՀԿ կեդրոնական վարչութեան ատենապետ Յակոբ Տիգրանան:ՍԴՀԿ հայաստանեան գրասենեակի ատենապետ Նարեկ Գալստեան ըսաւ . «Տեսական առումով այս Սահմանադրութիւնը մեծ հնարավորութիւն կու տայ գործող իշխանութիւններուն շատ արագ կերպով դարձնել ընդդիմութիւն: Որակական փոփոխութիւններու առումով այս Սահմանադրութիւնը մէկ քայլ առաջ է, պարզապէս խնդիրը քաղաքական մշակոյթ ձեւաւորելու մէջ է»:
