18.09c
Երեվան
չրք, մյս 06
Լիբանանի մէջ «Քորոնա» վարակէն հեռու մնալու նպատակով Պէյրութի որոշ շուկաներ փակ կը պահեն իրենց դռները։
Այս մասին «Արեւելք» տեղեկութիւն ստացաւ Լիբանանահայ բժիշկ Տօքթ. Ռաֆֆի Փօլատեանէն։
Հարկ կը համարենք յիշեցնենլ, որ Լիբանանի մէջ գործող կրթական հաստատութիւնները, կառավարական կեդրոնները, ինչպէս նաեւ ճաշարանները, գիշերային ակումբները օրերէ ի վեր փակ կը պահեն իրենց դռները։
Ինչ կը վերաբերի կառավարութեան կողմէ ձեռք առնուած միջոցներուն, ապա վարչապետ Հասսան Տիապ, որ երէկ իրավիճակին մասին յատուկ խօսքով հանդէս եկաւ նշեց, որ Լիբանան պիտի դադրեցնէ ընդունիլ թռիչքներ, ուր «Քորոնա» վարակը մոլեգնած է։
Ան մասնաւորապէս նշեց, որ այդ երկիրներու շարքին են Չինաստանը, Իտալիան, Իրանը, Մեծն Բրիտանիան, Եգիպտոսը եւ Ֆրանսան։
Յիշեցնենք, որ Լիբանանի մէջ «Քորոնա»-ով վարակուածներուն թիւը անցած է 60-ը, իսկ այդ վարակին հետեւանքով մահացածները երկուքն են։
