23.09c
Երեվան
երկ, մյս 04
Պէյրութահայ Հրայր Արապսէսեան այսօր Մեծի Տանն Կիլիկիոյ Գահակալ հայրապետին կոչով մը դիմած է: Ան իր գրառումը կատարած է Անթիլիասի կաթողիկոսարանի հովանիով գործող «Կիլիկիա Թի. Վի.» Ֆէյսպուքեան էջին վրայ: Հրայրի նամակը յաւելեալ բացատրութիւններու չի կարօտիր եւ զայն կը հրապարակենք, անոր ցուցաբերած ազգային բարձր ոգիին եւ անկեղծ մօտեցումներուն համար: Մնացեալը կը թողունք մեր ազգային բարձր մարմիններու եւ ընթերցողներու հայեցողութեան: Ստորեւ նամակը ՝
«Այս ամէն ըսածներուդ հետ ենք Վեհափառ հայր: Արցախը մերն է, մենք՝ Արցախին: Արդեօք ի՞նչ պիտի ընենք ասկէ աւելի Լիբանանի մէջ: Իբր մեծ հայր, հայ ազգը եւ մանաւանդ Լիբանանի ժողովուրդդ հաւաքէ եւ մեզ գալիք 10 տարիներուն ընթացքին Արցախ տեղափոխէ: Այդ դրամները, որ կը տրամադրուի ձեզի՝ վանքերը պալատ դարձնելու կամ եկեղեցիներ կառուցելու օտար երկրի մէջ, դուք կարող էք մեր հայ ընտանիքները Արցախ տեղափոխել եւ այդ լումաներով շարունակ կը հզօրանայ Արցախը: Ես անձամբ պատրաստ եմ իմ ընտանիքովս փոխադրուիլ եւ ունիմ 2 մանչ, բայց աւաղ կարողութիւն չկայ: Ի՞նչ ենք ընելու օտար երկրի մէջ ասկէ աւելի: Աշխատում ենք օտարի քով, հարստացնում ենք օտարներին օտար երկրի մէջ, ինչո՞ւ չապրինք մեր Արցախ երկրի մէջ եւ պայքարինք մինչեւ մահ: Կը խնդրեմ ձեզմէ վեհափառ հայր եւ ամենայն յարգանքով իմ ըսածը նկատի առնէք: Եթէ 100 տարի եւս մնանք օտարութեան մէջ ամբողջութեամբ պիտի ձուլուինք: Այսօր ժամն է համախմբելու հայ ժողովուրդը Արցախի մէջ»:
