18.09c
Երեվան
հնգ, սպտ 10
Երուսաղեմից տեղեկանում ենք, որ երեկ Երուսաղեմի Պատրիարքական փոխանորդ Գերշ. Տ. Սևան Արք. Ղարիբյանը Բեթղեհեմի Ծննդյան Տաճարի տեսուչ Հոգշ. Տ. Խադ Վրդ. Ջունդուրյանի, Հոգշ. Տ. Կորյուն Վրդ. Բաղդասարյանի և փաստաբան տիրա Ռայիդի ուղեկցությամբ այցելել է Ռամալա, Պաղեստինի նախագահի նստավայր՝ Պաղեստինի ինքնավարության նախագահ Մահմուդ Աբբասին պաշտոնապես հրավիրելու հայկական Սուրբ Ծննդյան տոնին, որ տոնվելու է Բեթղեհեմում՝ հունվարի 18-ին:
Մահմուդ Աբբասն իր շնորհակալությունն է հայտնել հրավերի համար և հանդիպման ընթացքում խոսել է հայ-պաղեստինյան բարեկամության մասին: Հայ հոգևորականները այցելել են նաև Պաղեստինի վարչապետին՝ նրան նույնպես հրավիրելու Սուրբ Ծննդյան տոնին:
Ինչպես հայտնի է՝ Երուսաղեմի Հայոց Պատրիարքարանը Ս. Ծննդյան տոնը նշում է հունվարի 18-19-ը, քանի որ, ըստ Status Quo-ի, Սուրբ Երկրում Հայ Եկեղեցին եկեղեցական տոները նշում է հին տոմարով:
