2.09c
Երեվան
ուրբ, փտր 27
Նշանավոր հայ պարող, միջազգային պարային ասպարեզում հռչակված Միհրան Կիրակոսյանը լուսանկար է հրապարակել փոփ-թագուհի Մադոննայի հետ` գրելով «Շնորհավոր տարեդարձդ, Թագուհի»:
Հայտնի է, որ մեր հայրենակիցը` Երեւանում ծնված և փոքր տարիքում արտասահման փոխադրված Միհրան Կիրակոսյանը համագործակցել է Մադոննայի և այլ աստղերի հետ` հանդես գալով նրանց հետ պարային ցնցող կատարումներով: Հատկապես Մադոննան բարձր է գնահատել հայ պրոֆեսիոնալ կատարողի տաղանդը, իսկ նրա պրոդյուսերները Մադոննայի մասին հրապարակումներում մեծ տեղ են հատկացրել հայ արվեստագետի մասնակցությամբ տեսանյութերին և լուսանկարներին:
Չնայած Միհրանն այսօր չի պարում Մադոննայի հետ, բայց իր հարցազրույցներից մեկում ասել է, որ ինքն ու Մադոննան լավ ընկերներ են, հաճախ են զրուցում միմյանց հետ:
Երեկ աշխարհահռչակ երգչուհին տոնել է իր ծննդյան 57-ամյակը` շնորհավորանքներ ստանալով աշխարհի բոլոր կողմերից: Հակառակ տարիքին` Մադոննան շարունակում է պահպանել երիտասարդական ավյունն ու գեղեցկությունը:
