18.09c
Երեվան
չրք, սպտ 09
Լիբանանահայ երգիչ Արարատ Ահարոնեան երէկ այցելած է Փարիզի «Հանրապետութեան հրապարակ»` յարգելու համար յիշատակը՝ անցնող Նոյեմբերին Փարիզը ցնցած ահաբեկչութեան զոհերուն: Ան զոհերու յիշատակին եղած պատուանդանին մօտ աղօթելէ ետք բարձրաձայն երգած է «Տէր Ողորմիա»ն: Նշենք, որ Փարիզի ահաբեկչութեան զոհերուն մէջ էր նաեւ հայազգի Լոլա Ուզունեանը: Երիտասարդուհին, իր հօր հետ ներկայ եղած էր «Պաթագլան» համերգասրահին մէչջ տեղի ունեցող համերգին եւ դէպքէն օրեր ետք ապահովական մարմիններ յաջողած էին գտնել անոր դին: Նշենք, որ լուսանկարները կը պատկանին «Երիտասարդութեան ձայնը» օնլայն- ռատիօկայանին սեփականատէր Գէորգ Տէրտէրեանի ոսպնեակին:
