24.38c
Երեվան
հնգ, հնս 25
Խորհրդարանի նախագահ Նէպիհ Պըրրի «Ալ-Ախպար»ին յայտնած է, որ «Լիբանանը կը մերժէ Սուրիոյ դէմ յարձակումը, որ կը նախատեսեն շարք մը արեւմտեան երկիրներ, եւ կը դրդեն ու կը ֆինանսաւորեն արաբական երկիրներ»:
Պըրրի ընդգծած է, որ «Լիբանանի օդային տարածքի որեւէ օգտագործում կոպիտ խախտում է Լիբանանի ինքնիշխանութեան, եւ Լիբանանը չի կրնար ընդունիլ, որ իր օդային տարածքը օգտագործուի Սուրիոյ կամ որեւէ այլ քոյր երկրի վրայ յարձակելու ժամանակ», աւելցլելով, որ « Չէզոքութիւն որդեգրելու քաղաքականութիւնը չի նշանակեր արաբական հողերու ռմբակոծումը եւ Լիբանանի օդային տարածքի օգտագործումը ընդունիլ»: Ան ըսած է նաեւ, որ « Չէզոքութեան ջատագովները այս պարագային կը նպաստեն Սուրիոյ դէմ եղած թշնամութեան»:
Յիշեցնենք, որ Վարչապետ Սաատ Հարիրին ընդգծած էր, որ «Լիբանանը Սուրիոյ դէմ ամերիկեան հնարաւոր հարուածին հանդէպ հաւատարիմ կը մնայ չէզոքութեան քաղաքականութեան», ըսելով, որ «Մեր դիրքորոշումը յստակ է եւ մեր պարտականութիւնն է չէզոքութիւն որդեգրելու քաղաքականութեամբ մեր երկիրը զերծ պահել տարածաշրջանի մէջ կատարուող զարգացումներու վտանգներէն»:
