26.38c
Երեվան
կրկ, հնս 28
Իսրայէլի Պաշտպանութեան նախարար Աւիկտոր Լիպըրման յայտնած է, որ Իսրայէլի եւ Ղազզայի մէջ պայքարող խմբաւորումներու միջեւ պատերազմն անխուսափելի է, հակառակ երկարատեւ զինադադար հաստատելու ուղղութեամբ տարուող ջանքերուն:
«Lebanon 24» լրատուական կայքին փոխանցմամբ, Լիպըրմանի պաշտօնական գրասենեակի տարածած տեսագրութեան մէջ վերջինս շեշտած է, թէ հարցը պատերազմ տեղի ունենալ կամ չունենալուն մէջ չէ, այլ այդ պատերազմի հաւանական ժամկէտի որոշման մէջ է:
Լիպըրմանի համոզմամբ, Ղազզայի մէջ զոհուած բոլոր պաղեստինցիները «Համաս»ի հետ առնչութիւն ունին, հակառակ անոր, որ զոհուածներու մեծ մասը ցոյցերու մասնակցած երիտասարդներ էին, ինչպէս նաեւ երկու լրագրողներ ու շտապ օգնութեան երեք աշխատակիցներ:
Լիպըրման դիտել տուած է, ու Իսրայէլ գիտակից է իր քայլերուն, եւ որպէս քաղաքականապէս հզօր անվտանգութեան համակարգ ունեցող պետութիւն, վստահօրէն կ՛առաջանայ դէպի իր առջեւ դրուած նպատակները:
Նշենք, որ վերջին շրջանին ՄԱԿ եւ Եգիպտոս ջանքեր ի գործ կը դնեն «Համաս»ի եւ Իսրայէլի միջեւ երկարաժամկէտ զինադադար հաստատելու նպատակով:
