11.09c
Երեվան
չրք, սպտ 09
Հորդանանում գտնվող «Ալ Զահթարի» գաղթակայանի պատասխանատուն հայ է` ծագումով Լիբանանից Հովիկ Էթիեմեզյանը, տեղեկանում ենք արաբական մամուլից: «Ալ Զահթարին» համարվում է աշխարհի ամենամեծ գաղթակայանը, ուր Սիրիայի պատերազմից հետո հազարավոր սիրիացի փախստականներ են հանգրվանել: Օրերս գաղթակայան էր այցելել Մեծ Բրիտանիայի վարչապետ Դևիդ Քեմերոնը. արաբական կայքերի հաղորդմամբ, վարչապետն ընդունել է տարածաշրջանում ՄԱԿ-ի մարդասիրական առաքելություն իրականացնողներին եւ գաղթակայանի գլխավոր պատասխանատու Հովիկ Էթիեմեզեանին, ով համարվում է Արեւելքում ՄԱԿ-ի` փախստականների հարցերով զբաղվող կարեւոր դեմքերից մեկը: Մեծ Բրիտանիայի վարչապետը ծանոթացել է Հովիկ Էթիեմեզեանի մարդասիրական հարուստ գործունեությանը եւ շնորհակալություն է հայտնել նրան: Հորդանանից բացի Հովիկ Էթիեմեզյանը մարդասիրական առաքելություններ է ստանձնել նաեւ աֆրիկյան երկրներում` Թունիսում եւ այլուր: Նա, ինչպես հաղորդում է արաբական կայքը, իր առաքելությունն է համարում մարդասիրությունը եւ դժվար իրավիճակներում մարդկանց օգնելը:
Հովիկ Էթիեմեզյանի հետ «Արեւելքի» հարցազրույցը` հորդանանյան գաղթակայանի մասին, կհրապարակենք ավելի ուշ:
