Արեվելք - Արևելք լրատուական

285
04/03/2016

«Հայությունը Ցեղասպանության 100-րդ տարելիցի ավարտին» խորագրով խորհրդաժողով Դույսբուրգում

Եւրոպայի Հայերի Համագումարի նախաձեռնությամբ այսօր Գերմանիայի Դույսբուրգ ավանում տեղի է ունենալու հայության հիմնահարցերին նվիրված գիտահետազոտական խորհրդաժողով՝ «Հայությունը ցեղասպանության 100-րդ տարելիցի ավարտին» ընդհանուր խորագրով, ուր քննարկվելու են հետևյալ թեմաները.

- Ցեղասպանություն և պահանջատիրություն,

-Հայկական պահանջատիրությունը, Արևմտյան Հայաստանը և միջազգային օրենքը,

-Հայոց ցեղասպանության 100-տարելիցի առիթով, անցյալ մեկ տարվա ընթացքում իրականացված աշխատանքները, նրա քաղաքական գնահատականը և ապագա գործունեության հեռանկարները,

- Հայաստանի Հանրապետության իրավիճակը և նրա զարգացման հեռանկարները,

- Արցախի հիմնահարցի լուծման ընթացքը եւ հեռանկարները,

- Սփյուռք, սահմանումներ, խնդիրներ, հեռանկար,

- Միջին Արեւելքի հայկական համայնքների դրությունը,

- Հայաստան-Սփյուռք հարաբերությունների ներկա վիճակը և ներդաշնակ գործունեության համար անհրաժեշտ փոփոխությունները,

- Տարածաշրջանային զարգացումները եւ մեր անելիքները,

- Թուրքիան եւ տարածաշրջանային զարգացումները,

-Թուրքիայի աշխարհաքաղաքական դիրքը 21-դարում եւ փոքրամասնությունների հանդեպ վարած նրա քաղաքականությունը,

Յուրաքանչյուր նիստի ավարտին քննարկման են դրվելու ներկայացված հարցերը, և եզրափակիչ քննարկումից հետո լինելու է բանաձեւերի ընդունում:

Խորհրդաժողովի ընթացքում զեկուցումներ են լինելու Գերմանիայի և Ռուսաստանի ու նաև համառոտ կերպով եվրոպական մյուս երկրների հայկական համայնքների մասին:

Խորհրդաժողովին զեկուցումներով հանդես են գալու Եվրոպայի տարբեր երկրներից՝ Հայաստանից, Շվեդիայից, Ֆրանսիայից, Ռուսաստանից, Մեծ Բրիտանիայից ու Թուրքիայից այցելած պատվիրակներ: Մի քանի երկրներից կզեկուցեն նաև ինտերնետային կապի միջոցով:

Եւրոպայի Հայերու Համագումար

Տեղեկատվական բաժանմունք