20.91c
Երեվան
երկ, հնս 22
Սուրիոյ մայրաքաղաք Դամասկոսի կարգ մը թաղամասերը կը շարունակեն թիրախ դառնալ ահաբեկիչներու ռմբակոծումներուն: Այս մասին այսօր տեղեկութիւն տարածած է «Սանա» լրատուական գործակալութիւնը, որ նաեւ փոխանցած է, որ յատկապէս ռմբակոծման թիրախ դարձած են «Ալ Քասսահ», «Պապ Թումա», «Պարամքէ», «Միտան», «Ալ Քասսահ» եւ այլ խաղաղ բնակչութեան շրջաններ: Այս առումով կը հաղորդուի նաեւ, որ այսօր այդ շրջաններուն ուղղութեամբ արձակուած են 35 հրթիռներ, որոնց հետեւանքով ալ զոհուած են 11 անձեր, իսկ վիրաւորներուն թիւը հասած է 34-ի:
Յիշեցնենք, որ Սուրիոյ բանակը անցնող օրերուն զինուորական գործողութիւն մը սկսած էր Դամասկոսի այն հատուածներուն ուղղութեամբ, որ անցնող հինգ տարիներուն ընթացքին կը գտնուին ահաբեկիչներու տիրապետութեան տակ: Այդ շրջաններուն գլխաւորը կը համարուի Դամասկոսի Ղութա գիւղաւանը:
'
