12.09c
Երեվան
չրք, մյս 13
Լիբանանյան Բեքա շրջանի մոտակայքում գտնվող Արսել ավանի սիրիացի փախստականները կարող են Սիրիա փոխադրվել: Այս մասին այսօր տեղեկացրել է լիբանանյան «Ալ Ժումհուրիյա» պարբերականը, որը նաեւ հայտնում է, որ փախստականների վերաբերյալ այդ ծրագիրը մշակվել է Սիրիայի ընդդիմության տարբեր թեւերի կողմից:
Նաեւ հաղորդվում է, որ Լիբանանի կառավարությունը տվել է իր նախնական համաձայնությունը ու ներկա պահին սիրիացի ընդդիմադիրները կարեւոր բանակցություններ են վարում Անկարայի հետ:
Ըստ աղբյուրի տվյալների՝ նպատակ կա սիրիացի գաղթականներին փոխադրել Սիրիայի բանակի տիրապետությունից դուրս գնվող շրջաններ, հատկապես Սիրիա-Թուրքիա սահմանային գոտիներում գտնվող շրջաններ:
Նշենք, որ ավելի «Արեւելքը» արաբական աղբյուրներից տեղեկանալով հայտնել էր Սիրիայի սահմանային շրջաններում թուրքական ավաններ հիմնելու Անկարայի մտադրության եւ ձեռնարկած քայլերի մասին:
Նշենք, որ Արսելը եւ նրա լեռնային հատվածները համարվում են ահաբեկչական խմբավորումների կենտրոններ եւ անցյալ շաբաթ լիբանանյան բանակի ստորաբաժանումները կարողացել էին նախահարձակ գործողություն իրականցնելով կարեւոր հարված տալ ահաբեկիչներին:
Ձերբակալվել են 400-ի չափ սիրիացիներ, որոնց մեջ կան ահաբեկչական խմբավորումների հետ համագործացություն ունեցած տասնյակ մեղադրյալներ:
