12.09c
Երեվան
չրք, սպտ 09
Մեծի Տանն Կիլիկիո կաթողիկոս Արամ Ա.-ն կաթողիկոսության «Ս. Մեսրոպ Մաշտոց» շքանշանով է պարգևատրել աշխարհահռչակ հայ երաժիշտ, Մեծ Բրիտանիայի թագավորական ֆիլհարմոնիկ նվագախմբի դիրիժորներից մեկին` Վարդան Մելքոնյանին: Այդ մասին հայտնում են Մեծի Տանն Կիլիկիո կաթողիկոսության մամլո դիվանից: Լիբանանի ֆիլհարմոնիկ նվագախումբը, երեկ, Վարդան Մելքոնյանի ղեկավարությամբ Բեյրութի «Կազինո դը Լուբան» կենտրոնում կատարել է հայ երաժշտի հեղինակած «Drake Passage» սիմֆոնիկ ստեղծագործությունը, որը նվիրված է Ցեղասպանության զոհերի հիշատակին և Բեյրութում հնչել է առաջին անգամ: «Ցեղասպանությունը վերապրած հայերի սերնդից Վարդան Մելքոնյանը մեծացել է Լիբանանի հայկական որբանոցում, իսկ այսօր համաշխարհային իր փառքով ապացուցում է հայ ժողովրդի հոգևոր վերածնունդը»,-հնչել է Լիբանանում բազմաթիվ օտարերկրյա հյուրերի ներկայությամբ տեղի ունեցած շքեղ երաժշտական երեկոյի ընթացքում:
