19.09c
Երեվան
ուրբ, մյս 17
Այսօր Հալեպում զինյալների հրթիռակոծություններից վիրավորված Փեթի Հինդոյանը ծանր հոգեբանական վիճակում է. նրա երկու երեխաները՝ 21-ամյա դուստրը և 12-ամյա որդին զոհ են գնացել Հալեպում այսօր տեղի ունեցած ողբերգական հրթիռակոծությանը: Այդ մասին «Արևելքին» տեղեկացրեց նրանց ազգականը, նշելով, որ ընտանիքի անդամները իրենց պատկանող խանութում են եղել, հայրը մի պահ դուրս է եկել, որից հետո հրթիռն ընկել է խանութի վրա: Նա նաև հայտնեց, որ ընտանիքի մայրը՝ Փեթի Հինդոյանը վզից է վիրավորվել, սակայն նրա կյանքին վտանգ չի սպառնում: Հալեպահայ կինն ունի ևս մեկ որդի՝ Մովսես Հինդոյանը, որը նույնպես վիրավորների մեջ է:
Ավելի վաղ տեղեկացրել էինք, որ Հալեպի հայկական թաղամասերի ռմբակոծության հետևանքով տասնյակ զոհերի թվում նաև չորս հայ է եղել, որոնցից երկուսը նույն ընտանիքից են՝ եղբայր և քույր. 21-ամյա Միրեյ Հինդոյանը մահացել է հիվանդանոցում, իսկ նրա 12-ամյա եղբայրը՝ Արման Հինդոյանը՝ ռմբակոծության պահին: Ինչպես տեղեկացանք, զոհված Միրեյ Հինդոյանը զբաղվում է պրոֆեսիոնալ լողով: Նա Սիրիայի Լողի Ազգային Հավաքականի անդամ է, մրցումների է մասնակցել տարբեր երկրներում, այդ թվում՝ Հայաստանում:
Հալեպահայ մյուս զոհերն են Ծիլա Ջաբաղջուրյանն ու Հասմիկ Կիրակոսյան-Բերեջիքլյանը: Վիրավորների մեջ կան ինչպես թեթև, այնպես էլ՝ ծանր վնասվածքներ ստացածներ:
Լուսանկարում՝ Հինդոյանները՝ որդիներից մեկի և դստեր հետ
Այսօր մահացած Միրեյ և Արման Հինդոյանները
