image
Հրատապ լուրեր:

Հայ Կաթողիկէ Առաջնորդ՝ Արհի. Տ. Միքայէլ եպս. Մուրատեանի հանդիպումը՝ ՀՀ նախագահին հետ

Հայ Կաթողիկէ Առաջնորդ՝  Արհի. Տ. Միքայէլ եպս. Մուրատեանի հանդիպումը՝ ՀՀ նախագահին հետ

Հանրապետութեան նախագահ Վահագն Խաչատուրեանը Լոս Անճելըսի իր կեցավայրին մէջ հանդիպած է Կաթողիկէ թեմի առաջնորդ Միքայէլ եպիսկոպոս Մուրատեանի հետ:

Այս մասին «Արեւելք» տեղեկութիւն ստացաւ  ՀՀ Նախագահականի էջէն, ուր մասնաւորապէս գրուած է՝ 

Հանդիպման ընթացքին անդրադարձ կատարուած է Հայաստանի ներքին եւ արտաքին մարտահրաւէրներուն եւ ատոնց լուծման ուղղութեամբ հայաստանեան ղեկավարութեան կողմէ իրականացուող համալիր քայլերուն:

Անմիջական մթնոլորտի մէջ Հանրապետութեան նախագահը եւ Սրբազան հայրը զրուցած են Հայաստանի եւ Սփիւռքի մէջ հայ կաթողիկէներու համայնքային կեանքի անցուդարձերու վերաբերեալ:

Պատասխանելով Միքայէլ սրբազանի կողմէ բարձրացուած կաթողիկէ համայնքին յուզող հարցերուն, նախագահ Վահագն Խաչատուրեանը մանրամասներ յայտնած է Հայաստանի եւ Ատրպէյճանի միջեւ ընթացքող սահմանազատման գործընթացի, ինչպէս նաեւ տարածաշրջանային ընդհանուր իրողութիւններու վերաբերեալ:

Հանդիպման երկուստեք ընդգծուած է ներքին եւ արտաքին օրակարգային հարցերու մէջ Հայաստանի կողմէ որդեգրուած իրատեսական քաղաքականութեան սկզբունքներու հետեւողական կեանքի կոչման կարեւորութիւնը: