4.09c
Երեվան
կրկ, դկտ 22
Սուրիոյ քրտական ժողովրդավարական ուժերը մօտեցած են «Իսլամական Պետութեան» խոշորագոյն կեդրոնատեղիներէն մէկը համարուող Ռաքքան ամբողջական ձեւով իրենց վերահսկողութեան տակ առնելու վերջին փուլին: Այս մասին կը տեղեկացնէ ֆրանսական AFP գործակալութիւնը, նշելով, որ յարձակումը հասած է «վերջնական փուլեր»ու եւ ճիհատականները քաղաքի տարածքի 90 առ հարիւրէն դուրս շպրտուած են:
Աղբիւրը կը նշէ, որ ծայրայեղական կազմակերպութիւնը անկարող է դիմակայել ԱՄՆ-ի ղեկավարած միջազգային դաշինքին կողմէն իրականացուող ծանր օդային հարուածներուն, որոնք կարեւոր կռուան կը դառնան մեծամասնութեամբ քիւրտերէ բաղկացած «ժողովրդավարական ուժեր»ուն առաջ երթալու համար:
Իր կարգին Սուրիոյ ընդդիմադիր «Մարդկային իրաւանց դիտարան» կեդրոն-կայքի տնօրէն Ռամի Ապտլ Ալ-Ռահման AFP-ին յայտնած է, որ «Միջազգային դաշինքի կեդրոնացուած օդային հարուածներուն հետեւանքով, «Տահէշ» կազմակերպութիւնը 48 ժամուան ընթացքին նուազագոյն 5 թաղամասերէ հեռացած են, ինչի շնորհիւ քաղաքի 90 տոկոսը անցած է Սուրիոյ քրտական ուժերուն ձեռքը»:
Այս առումով Սուրիոյ քրտական ուժերու հրամանատարութիւնը յայտարարութիւն հրապարակած է, որուն մէջ նշուած է, որ «Եփրատի զայրոյթ» գոծողութիւնը հասած է իր վերջնական փուլերուն:
