28.09c
Երեվան
երկ, հլս 28
Ռուսիոյ նախագահ Վլատիմիր Փութինի եւ Ֆրանսայի նախագահ Էմանուէլ Մաքրոնի հեռախօսազրոյցը բաւականին բովանդակային եղած է։ Այս մասին լրագրողներուն յայտնած է Ռուսիոյ նախագահի մամուլի խօսնակ Տմիթրի Փեսքով։
«Կատարուած է կարծիքներու մանրամասն փոխանակում։ Այն լաւ առիթ եղաւ կողմերու դիրքորոշումները իրարու փոխանցելու համար», — ըսած է Փեսքով։
Ռուսիոյ նախագահի մամուլի խօսնակը նաեւ յայտնած է, որ զրոյցը տեղի ունեցած է ֆրանսական կողմի նախաձեռնութեամբ։
«Նախաձեռնութիւնը ֆրանսական կողմինն էր։ Բայց ծանօթ էք, որ նախագահ Փութին բազմաթիւ անգամներ արտայայտած է երկխօսութիւն վարելու պատրաստակամութիւնը»,- աւելցուցած է Տմիթրի Փեսքով։
