18.09c
Երեվան
երկ, հնս 23
Հայաստանի Հանրապետութեան նախագահը չ'աջակցիր եւ չի պատրաստուիր աջակցիլ կամ սատարել որեւէ քաղաքական ուժի։ Այս մասին յայտարարութիւն տարածած է Հայաստանի Հանրապետութեան նախագահի աշխատակազմի հասարակայնութեան հետ կապերու վարչութիւնը։
«Վերջին շրջանում ընկերային ցանցերում, տարբեր լրատուական կայքերում եւ թելեկրամ ալիքներում տարածւում են տեղեկութիւններ, համաձայն որոնց՝ Հանրապետութեան նախագահ՝ Արմէն Սարգսեանն իբր հետապնդում է քաղաքական նպատակներ, հովանաւորում է տարբեր ուժերի, ինչպէս նաեւ կոչ է անում պոյքոթել ընտրութիւնները։
Հանրապետութեան նախագահի աշխատակազմի հասարակայնութեան հետ կապերի վարչութիւնը, տարածուող լուրերի կապակցութեամբ յայտարարում է, որ բոլոր այդ տեղեկութիւնները կեղծ են եւ չեն համապատասխանում իրականութեանը։
Նախագահ Արմէն Սարգսեանի տեսակէտները, մտքերը, խօսքերը կամ ելոյթները ներկայացուած են բացառապէս նախագահի պաշտօնական էջերում:
Բազմիցս յայտարարուել է, որ Հանրապետութեան նախագահն առաջնորդւում է համապետական եւ համազգային շահերով:
Նախագահը, իր գործառոյթներն իրականացնելով բացառապէս ՀՀ Սահմանադրութեամբ իրեն ընձեռուած լիազօրութիւնների շրջանակում, չի կարող զբաղուել, չի զբաղւում եւ նպատակ չունի զբաղուել քաղաքականութեամբ, որեւէ կուսակցութեան անդամ չէ, չի ներկայացրել եւ չի ներկայացնում որեւէ քաղաքական ուժ:
Հանրապետութեան նախագահը չի աջակցում եւ չի պատրաստւում աջակցել կամ սատարել որեւէ քաղաքական ուժի»,- նշուած է յայտարարութեան մէջ։
