16.09c
Երեվան
շբթ, ապր 25
Օրերս Արժանթինի մէջ «Քորոնա»ի զոհ գացած արմատներով Հալէպցի Սահակ Մասրեան։
Այս մասին «Արեւելք» իմացաւ հանգուցեալի հարազատներէն։
Սահակ Մասրեան ծնած էր Հալէպ 1963-ին : Յաճախած է Հայկազեան Վարժարան։Պատանի հասակին փոխադրուած է Պուէնոս Այրէս։
Հայապահպան ոգիով տոգորուած, ան հայկական օճախ կազմած է պէյրութահայ Վիգի Չիլինկիրեանին հետ: Բախտաւորուած են երկու զաւակով՝ Փօլին եւ Խաժակ։
Արհեստով ոսկերիչ, միշտ կենսունակ, ժպտադէմ, պատրաստ բոլորին օգնելու : Գաղութին մէջ բոլորին սէրն ու յարգանքը վայելած է իր դրական եւ յարգանօք կեցուածքով:
Վերջին շաբաթներուն վարակուելէ ետք «Քորոնա»ով եւ ծանր պայքար տանելով այդ մահաբեր հիւանդութեան դէմ Սահակ կը փակէր իր աչքերը յաւերժին, խոր կսկիծի մատնելով իր հարազատները, բարեկամներն ու սիրելիները:
Այս տխուր առթիւ մեր խորին ցաւակցութիւնները կը յայտնենք հանգուցեալի հարազատներուն եւ մասնաւորապէս մեր թերթի բարեկամներէն՝ Տիկն. Մարալ Մասրեան Տէ Թորիկեանին։
