0.09c
Երեվան
շբթ, փտր 07
Հոլանտացի երկրաշարժագէտ Ֆրանք Հուգըրբից, որ կանխատեսած էր աւերիչ երկրաշարժերը Թուրքիոյ եւ Սուրիոյ, ըսած է, որ մարտին Երկրի վրայ նոր շատ մեծ երկրաշարժ տեղի պիտի ունենայ, գրած է rg.ru-ն։
Solar System Geometry Survey (SSGEOS) գիտական հիմնարկի (ուր Հուգըրբից կ'աշխատի) զեկոյցին մէջ ըսուած է, որ 2 եւ 5 մարտին մոլորակներու մօտենալը կրնայ յանգեցնել շատ մեծ ցնցումներու աշխուժութեան։ Երկրաշարժերու շարք մը կրնայ տեղի ունենալ 2023 թուականի 3 մարտէն մինչեւ 7 մարտ։
Ցնցումներու ուժգնութիւնը կրնայ ըլլալ 8,5 բալ եւ աւելի։
«Չեմ չափազանցեր, չեմ փորձեր վախ տարածել, սա ընդամէնը նախազգուշացում է»,- ըսած է գիտնականը։
Հիմնարկը նաեւ անուանած է այն շրջանները, որոնք ընկած են այսպէս կոչուած կարմիր գօտիին վրայ՝ Ճափոնի հարաւը, Ինտոնեզիան, Փաքիստանը, Յունաստանը, Փորտուգալը եւ Հիւսիսային Ամերիկայի մէկ մասը։ Այս ցուցակին մէջն է նաեւ Ռուսիան։ Ֆրանք Հուգըրբից կը կարծէ, որ Քուրիլեան կղզիներուն մէջ կրնայ տեղի ունենալ աւերիչ երկրաշարժ։
Աւելի վաղ յայտնի դարձած էր, որ Թուրքիոյ երկրաշարժերու զոհերու թիւը հասած է 45 089-ի։
