18.09c
Երեվան
կրկ, ապր 06
Եռատօնին նուիրուած խորհրդանշական միջոցառումներու շարքին 10 մայիսին, Արցախի թեմակալ առաջնորդ Պարգեւ արք. Մարտիրոսեանի կողմէ, Շուշիի «Ղազանչեցոց Ամենափրկիչ» եկեղեցւոյ մէջ մատուցուած է պատարագ` նուիրուած Արցախի Հանրապետութեան, ՊԲ-ին եւ անոր շարքերուն մէջ ծառայութիւն իրականացնող բոլոր զինուորականներուն: Հոգեւոր արարողութեան ներկայ գտնուած են հայկական երկու հանրապետութիւններու օրէնսդիր իշխանութիւններու ղեկավարներ Աշոտ Ղուլեանն ու Արարատ Միրզոյեանը, ԱՀ պետական նախարար Գրիգորի Մարտիրոսեանը, պաշտպանական գերատեսչութեան ղեկավար, զօրավար Կարէն Աբրահամեանը, բարձրաստիճան հրամանատարներու կազմի ներկայացուցիչներ: Հոգեւոր արարողութեան աւարտէն ետք Արցախի հոգեւոր առաջնորդը իրականացուցած է նաեւ հանրապետական օրհնութեան կարգ եւ հանդէս եկած է օրուայ խորհուրդը պարզաբանող խօսքով:
Նոյն օրը ՊԲ-ի բարձրաստիճան հրամանատարական կազմը, մասնակցած է նաեւ Շուշիի մէջ՝ արցախեան ազատամարտի նուիրեալներէն մէկուն` Վարդան Ստեփանեանի տուն-թանգարանի բացման արարողութեան, ինչէն ետք Վարդանի մարտական կենսագրութենէն ուշագրաւ դրուագներ վերյիշած են մարտական ընկերներէն Արշաւիր Ղարամեանը, Արկադի Կարապետեանը, ՀԱԵ Արցախի թեմի առաջնորդ Պարգեւ արք. Մարտիրոսեանը:
