Շուլց եւ Մաքրոն Ամերիկայի դէմ տնտեսական պատերազմով կը սպառնա՞ն

Շուլց եւ Մաքրոն  Ամերիկայի դէմ տնտեսական  պատերազմով կը սպառնա՞ն

Ֆրանսան եւ Գերմանիան կ'ուզեն բանակցիլ Ուաշինկթընի հետ անբարեխիղճ մրցակցութեան շուրջ եւ պատրաստ են անհրաժեշտութեան պարագային հակահարուած տալ, գրած է Politico-ն։

Հանրային վիճաբանութենէն ետք Օլաֆ Շոլց եւ Էմանուէլ Մաքրոն ընդհանուր բան գտան՝ աճող մտահոգութիւններ ԱՄՆ-ի անբարեխիղճ մրցակցութեան եւ Եւրոպայի կողմէ պատասխան հարուած հասցնելու հնարաւոր անհրաժեշտութեան վերաբերեալ:

Անոնք եկած են եզրահանգման, որ ԱՄՆ-ի ծրագրերը պետական օժանդակութիւններու վերաբերեալ, որոնք կը խրախուսեն արտադրանքի տեղափոխումը ԱՄՆ, ազդեցութիւն ունին շուկայի վրայ:

Փարիզի եւ Պեռլինի միջեւ բազմաթիւ տարաձայնութիւններ կան առանցքային քաղաքական հարցերու շուրջ, ինչպիսիք են ուժանիւթը եւ պաշտպանութիւնը, յիշեցուցած են հեղինակները։ Այնուամենայնիւ, կար նաեւ ընդհանուր բան։ Երկու առաջնորդներն ալ համաձայնած են, որ ԵՄ-ն չի կրնար անմասն մնալ, եթէ Ուաշինկթընը առաջ մղէ գնաճի նուազեցման ակտը, որ կը ներառէ հարկերու կրճատում եւ ուժանիւթային խթաններ ԱՄՆ-ի մէջ ներդրումներ կատարող ընկերութիւններու համար ներկայիս տեսքով:

Մասնաւորապէս, ԱՄՆ-ի մէջ վերջերս ստորագրուած օրէնքները կը խրախուս են սպառողները «գնելու ամերիկեանը», երբ խօսքը կը վերաբերի ինքնաշարժ ընտրելուն։ Քայլ, որ յատկապէս մտահոգիչ է այնպիսի երկիրներու խոշոր ինքնաշարժերու արդիւնաբերութեան համար, ինչպիսիք են Ֆրանսան եւ Գերմանիան:

Հեղինակները եզրակացուցած են, որ եթէ ԱՄՆ-ը հաշուի չառնէ ԵՄ-ի պահանջները, այդ կրնայ յանգեցնել նոր առեւտրային պատերազմի։