Թուրքիոյ ձայնասփիւռի եւ հեռուստատեսութեան բարձրագոյն խորհուրդը (RTÜK) երկրի նախագահ Ռեճեփ Թայիփ Էրտողանի հասցէին ուղիղ եթերով վիրաւորանք տարածելու համար տուգանած է շարք մը հեռուստաալիքներու: Այս մասին կը տեղեկացնէ թրքական «Aktifhaber» լրատուական կայքը, նշելով, որ գլխաւոր ընդդիմադիր «Ժողովրդա-հանրապետական» կուսակցութեան (CHP)՝ 24 մայիսի ժողովի ժամանակ, որ հեռարձակուած էր ուղիղ եթերով, Էրտողանի հասցէին վիրաւորական արտայայտութիւններ հնչած են:
RTÜK-ը, ձայնասփիւռի եւ հեռուստատեսութեան հեռարձակման մասին օրէնքի 8-րդ յօդուածի համաձայն, ձայներու մեծամասնութեամբ վարչական տուգանքի ենթարկած է «Can Erzincan», «Habertürk», «NTV», «Ulusal», «CNN Türk», «Bengütürk» եւ «Halk Tv» հեռուստաընկերութիւները:
RTÜK-ը պատժամիջոցներ կիրառած է նաեւ «HTV Hayat» հեռուստաալիքի նկատմամբ, որ ցուցադրած է Էրտողանի հասցէին վիրաւորանքներ պարունակող գերմանացի երգիծաբանի տեսահոլովակը: