4.09c
Երեվան
երք, հնվ 21
Արժանթին- Քրիստիան Թորոսեան անունով հայ աճպարարը Պուէնոս Այրեսի Սան Մարթին հրապարակին վրայ ցուցադրած է հնարք մը` 100 վայրկեան կախուած մնալով օդի մէջ` ի յիշատակ Հայոց Ցեղասպանութեան 100-րդ տարելիցին: «Միայն Թէ Օդին Մէջ Չմնայ» կարգախօսով իրականացած «արարք»ը լուսաբանած է արժանթինական Dia a Dia պարբերականը` ընդգծելով, որ 2013-ին Քրիստիան Թորոսեանը պարգեւատրուած է Քորտովայի մէջ իր հասարակական աջակցութեան համար: Քրիստիան Թորոսեան Քորտովա նահանգին մէջ յայտնի է իր մասնագիտական աճպարարութեամբ, այդ իսկ պատճառով ալ վերոնշեալ բաժինը ընտրած իբրեւ Ցեղասպանութեան 100-րդ տարելիցի ոգեկոչման եղանակ:Միեւնոյն ժամանակ, մինչ ան կը ցուցադրէր իր հնարքը, խումբ մը երիտասարդներ բոլոր հետաքրքրուողներուն եւ լուսանկարուիլ փափաքողներուն բաժնած են Հայոց Ցեղասպանութեան եւ ոգեկոչման յետագայ ձեռնարկներու մասին պատմող տեղեկատուական թերթիկներ:
