15.09c
Երեվան
ուրբ, մյս 15
Էսթոնիայի արտաքին գործոց նախարարութիւնը, ուրբաթ՝ 9 յունիսին, արգիլած է 58 ռուսաստանցիներու մուտքը երկիր, այդ շարքին՝ պատրիարք Քիրիլին։ Այս մասին յայտնած է Էսթոնիայի ԱԳՆ պաշտօնական կայքը։
«Այսօր արտաքին գործոց նախարար Մարկուս Ցախքնան վերահաստատած է «Մակնիթսքիի ցուցակը», որ կ'արգիլէ 58 մարդու մուտքը Էսթոնիա, այդ շարքին՝ Ռուս ուղղափառ եկեղեցւոյ առաջնորդ Պատրիարք Քիրիլին եւ իրաւապաշտպան Վլատիմիր Քարա-Մուրզան հետապնդած ու բանտարկած 9 անձանց»,- ըսուած է հաղորդագրության մէջ։
Էսթոնիայի ԱԳՆ-ն յայտնած է, որ Քարա-Մուրզան հետապնդողները պէտք է ներառուին մարդու իրաւունքներու համաշխարհային պատժամիջոցներու ռեժիմին մէջ:
Էսթոնիայի արտաքին գործոց նախարար Մարկուս Ցահքնան ըսած է, որ մուտքի արգելքները դրուած են այս մարդոց վրայ, քանի որ անոնք մեղսակից են կամ կ'օժանդակեն մարդու իրաւունքներու լուրջ խախտումներուն: «Պատրիարք Քիրիլը Փութինի գաղափարախօսութեան ամենամեծ կողմնակիցներէն ու ջատագովներէն մէկն է»,-ըսած է արտաքին գործոց նախարարը։
«Ժամանակն էր, որ ան յայտնուէր սեւ ցուցակին մէջ: Ան արդարացուցած է եւ խթանած է Ուքրանիոյ դէմ պատերազմը»,- նշած է ան։
