-2.91c
Երեվան
երք, դկտ 24
Ուքրանիոյ իշխանութիւնները դեռ կրնան ընդունիլ Ռուսիոյ նախագահ Վլատիմիր Փութինի՝ խաղաղ կարգաւորման առաջարկները, հակառակ պարագային ռուսական զօրքերու յարձակումը պիտի շարունակուի, եւ իրավիճակը պիտի փոխուի ոչ յօգուտ Քիեւի։ Այս մասին լրագրողներուն յայտնած է Ռուսիոյ Անվտանգութեան խորհուրդի փոխնախագահ Տմիթրի Մետվետեւ։
«Եթէ խօսիմ ուղիղ եւ անկեղծ, կը կարծեմ, որ նախագահն ամէն ինչ ըսած է այս մասին, որ իւրաքանչիւր յաջորդ առաջարկ, որ պիտի ներկայացուի Ռուսիոյ Դաշնութեան կողմէ Ուքրանիոյ ներկայիս իշխանութիւններուն, անկախ անկէ, թէ ինչպէս կը վերաբերինք անոնց, պիտի ըլլայ նախորդէն աւելի վատ: Հետեւաբար, այժմ անոնք հնարաւորութիւն ունին ընդունելու այս առաջարկ, որ ձեւակերպած է Վլատիմիր Փութինը, եւ, ամէն պարագայի, փորձել խաղաղութիւն հաստատել՝ վերջ տալով հակամարտութեան այս հատուածին»,-ըսած է ան։
Հակառակ պարագային, շարունակած է Մետվետեւ, Ռուսիոյ յարձակողական գործողութիւնները պիտի շարունակուին։
«Իսկ թէ ուր կ՚աւարտի այն գօտիի սահմանը, որու մասին խօսած է մեր երկրի նախագահը, դժուար է ըսել: Այդ ամէնը ձեռնտու պիտի չըլլայ ուքրանական ներկայիս իշխանութիւններուն: Այնպէս որ անոնք պէտք է շտապեն, քանի դեռ նման հնարաւորութիւն կայ»,- աւելցուցած է ան:
