4.09c
Երեվան
կրկ, դկտ 22
Պատժական կարեւոր տնօրինում մը կատարուած է Ռամկավար Ազատական Կուսակցութեան Լիբանանի շրջանակէն ներս: «Արեւելք» այս մասին տեղեկութիւններ ստացաւ Պէյրութի իր աղբիւրէն: Մեր աղբիւրը նաեւ յայտնեց, որ Պայծիկ Գալայճեանի դէմ ՌԱԿ Լիբանանի Շրջանային Վարչութիւնը պատժական տնօրինութեամբ մը կախակայման որոշում առած է: Նշենք, որ ըստ մեր տեղեկութիւններուն՝ կախակայման որոշումը ի զօրու պիտի մնայ մինչեւ որ կուսակցութեան գերագոյն մարմինը՝ Կեդրոնական Վարչութիւնը, իր վճիռը արձակէ Պայծիկ Գալայճանի դէմ, ինչ կը վերաբերի անոր կուսակցական կարգավիճակին: Մեր տեղեկութիւններուն համաձայն կախակայումի որոշումը անմիջականօրէն կապուած է ժամանակէ մը ի վեր Գալայճեանի կուսակցական անկարգապահութեան ու ըմբոստութեան հետ, որ վերջերս աւելի եւս դրսեւորուեցաւ իր կողմէ կազմակերպուած`kուսակցութեան վարկը արատաւորող ժողովներ գումարելով, ինչպէս նաեւ այս ուղղութեամբ լուրեր ու շրջաբերականներ տարածելով:
