12.09c
Երեվան
հնգ, նմբ 07
Հայաստանի Հանրապետութեան Ներքին Գործոց Նախարարութեան կողմէ հրապարակուած հաղորդագրութիւնը եկաւ փարատելու այն մտավախութիւնները ըստ որոնց, երէկ Երեւան- Սեւան (Աբովեան քաղաքի մերձ) ճանապարհին վրայ գտնուող պէնզինի կայարանին մէջ ծագած հրդեհին հետեւանքով գրանցուած են զոհեր։
ՀՀ ՆԳՆ-ն նաեւ հաստատած է, որ մեծ հրդեհին հետեւանքով այրուածքներ ստացած են 7 անձեր, որոնք բոլորն ալ փոխադրուած են հիւանդանոց։
Վիրաւորներէն մին արդէն դուրս եկած է հիւանդանոցէն, իսկ մնացած 6 -ը կը գտնուին բժիշկներու վերահսկողութեան ներքոյ։
Կ՚ըսուի նաեւ, որ այրուածք ստացածներուն 2-ին վիճակը բաւականին ծանր է։
«Արեւելք»ի ընթերցողներուն յիշեցնենք, որ երէկ մեծ պայթում մը լսուած էր Աբովեան քաղաքին մէջ, որմէ ետք պարզ դարձաւ, որ պայթումը եղած է քաղաքին մերձ գտնուող Gas Oil պէնզինի կայարանին մէջ։
Եղած պայթումին հետեւանքով հրդեհը տարածուած էր նաեւ կայարանին մէջ գտնուող հեղու կազի մեծ ամբարին մէջ։
