22.09c
Երեվան
երք, հնս 10
Սկսած է գործել Հայերէն- օսմաներէն առցանց բառարանը: Այս մասին կ'իմանանք Nayiri.com-ի դիմատետրի էջէն, ուր մասնաւորապէս գրուած է. «Սիրելի ընթերցողներ, այսօր թողարկեցինք ՆԱՅԻՐԻ կայքին 104րդ բառարանը՝ Պետրոս Զէքի Կարապետեանի «Մեծ բառարան հայերէնէ օսմաներէնը» որ լոյս տեսաւ Պոլիս, 1907 թուականին։ Բառարանը կրնայ օգտակար ըլլալ հայոց ցեղասպանութիւնը եւ օսմանեան շրջանը ուսումնասիրողներուն համար։
Անոր պատկերահանուած տարբերակը որոնելի է գլխաբառերով եւ հասանելի է հետեւեալ հասցէով՝
http://www.nayiri.com/imagedDictionaryBrowser.jsp?dictionaryId=113
Յիշեցնենք, որ Նայիրի առցանց բառարաններու համակարգը կը գործէ «Համազգային հայ կրթական եւ մշակութային միութեան» հովանաւորութեամբ, որուն համար ալ Նայիրիի պատասխանատուները շնորհակալութեան յատուկ խօսք ուղղած են Համազգայինին:
