-3.91c
Երեվան
երկ, դկտ 23
«Sputnik Արմենիա»ի հաղորդմամբ, Լեմքինի անուան ցեղասպանութեան կանխարգելման հիմնարհը կոչ ըրած է Միացեալ Նահանգներուն եւ Իսրայէլի միւս դաշնակիցներուն հայկական համայնքին պատշաճ իրաւական օգնութիւն երաշխաւորելու՝ հայկական թաղամասի «Կովերու պարտէզ» հատուածի համար վէճին մէջ: Այս մասին ըսուած է հիմնարկի յայտարարութեան մէջ։
Նշուած է, որ հիմնարկը խորապէս մտահոգուած է Երուսաղէմի հայկական թաղամասի ամբողջականութեան սպառնալիքներով: Մասնաւորապէս, յայտարարութեան մէջ ընդգծուած է, որ այս աշնան հայ համայնքն արդէն կորսնցուցած է կարեւոր պատմական հող՝ Արցախը (Լեռնային Ղարաբաղը), որու բնակչութիւնը ատրպէյճանական յարձակման պատճառով ստիպուած եղած է լքել իրենց տուները:
«Թէեւ Երուսաղէմի մէջ հայ բնակչութիւնն այսօր շատ փոքր է, հայկական թաղամասը կը շարունակէ մնալ սփիւռքի ներկայութեան կարեւոր մասը։ Այն հայերու ամենահին գործող սփիւռքն է», -ըսուած է յայտարարութեան մէջ։
Հիմնարկը ընդգծած է, որ Երուսաղէմի հայկական թաղամասի մշակութային ժառանգութիւնը պէտք է պաշտպանուած ըլլայ կառուցապատողներէն:
