Հեռուստամարաթոնին հաւաքագրուած է աւելի քան 11 միլիոն ԱՄՆ տոլար. «Հայաստան» համահայկական հիմնադրամ

Հեռուստամարաթոնին հաւաքագրուած է աւելի քան 11 միլիոն ԱՄՆ տոլար. «Հայաստան» համահայկական հիմնադրամ

2022-ի 24 նոյեմբերին «Մենք ստեղծում ենք կենսունակ համայնքներ» խորագրի ներքոյ տեղի ունեցաւ «Հայաստան» համահայկական հիմնադրամի 25-րդ հեռուստամարաթոնը, որու ընթացքին այս պահու դրութեամբ հաւաքագրուած է 11 003 439. 51 ամերիկեան տոլար:

Հիմնադրամի գրասենեակէն յայտնած են, որ դրամահաւաք–միջոցառումները դեռ կը շարունակուին, իսկ վերջնական արդիւնքները կ'ամփոփուին տարեվերջին:

«Հեռուստամարաթոն 2022»-ի ծիրին մէջ Հայաստանէն եւ Արցախէն հանգանակուած է 1.000.280,51 տոլար, ԱՄՆ-ի Տեղական Մարմինը հաւաքագրած է 5.000.250 տոլար, Ֆրանսայի Տեղական Մարմինը` 3.284.000 տոլար, Բրիտանիոյ Տեղական Մարմինը` 700.000 տոլար, Գանատայի (Թորոնթօ) Տեղական Մարմինը 547.272 տոլար, ինչպէս նաեւ նուիրատուութիւններ կատարուած են հետեւեալ երկիրներէն` Գանատայի (Մոնթրէալ) 204.000 տոլար, Պրազիլ 100.000 տոլար, Զուիցերիա 80.000 տոլար, Գերմանիա 52.660 տոլար, Արժանթին 25.000 տոլար, Աւստրիա 6.144 տոլար, Ռումանիա 3.833 տոլար:

«Մենք կը ստեղծենք կենսունակ համայնքներ» խորագրով հեռուստամարաթոնի միջոցները պիտի նպատակաուղղուին հայրենիքի սահմանային համայնքներու առողջապահական, ընկերային, կրթական, մշակութային, ենթակառուցուածքներու վերականգնման, ինչպէս նաեւ սահմանային համայնքներու զարգացման ուղղուած ծրագիրներու ֆինանսաւորման:

«Շնորհակալ ենք մեր բոլոր գործընկերներուն եւ նուիրատուներուն շարունակական աջակցութեան, անմնացորդ նուիրումի եւ Հայրենիքի կողքին կանգնելու համար, որուն շնորհիւ բարելաւուած է մեր տասնեակ հազարաւոր հայրենակիցներուն կեանքը»,- նշած են Հիմնադրամէն: