• 304
• 03/11/2017

Պատմական յաղթանակ. Լիբանանի ՀՄԸՄ-ը դարձաւ արաբական ակումբներու պասքեթպոլի ախոյեան (Լուսանկար)

Լիբանանի ՀՄԸՄ-ը երէկ պատմական յաղթանակ մը տարաւ Մարոքի մէջ եւ դարձաւ   պասքեթպոլի արաբական  ակումբներու  2017  տարուան ախոյեան:

Յիշեցնենք, որ ՀՄԸՄ  մրցեցաւ Մարոքի «Ալ Սալա» խումբին դէմ եւ խաղը  աւարտեց   99 -98 արդիւնքով:

Առաջին կիսախաղի աւարտին ՀՄԸՄ ձեռք ձգած էր 16 կէտի առաւելութիւն: Լիբանանեան Future կայանի խօսնակը  յայտարարելով ՀՄԸՄ-ի պատմական յաղթանակին մասին ըսաւ. «Գեղեցիկ է այս յաղթանակը, յատկապէս որ լիբանանեան-հայկական ՀՄԸՄ մարզական ակումբը շուտով պիտի նշէ իր հիմնադրութեան հարիւրամեակը»: Փայլուն խաղարկութեամբ հանդէս եկաւ  ՀՄԸՄ-ի խմբապետ  Սեւակ  Քէթէնճեան, որ ախոյեանութեան բաժակը ստացաւ պասքեթպոլի արաբական ակումբներու խորհուրդի ընդհանուր քարտուղարէն:  

Յիշեցնենք, որ միջին արեւելեան հայկական սփիւռքի պատմութեան մէջ այս առաջին անգամն է, որ հայկական  խումբ մը կը  տիրանայ ամբողջ արաբական աշխարհի պասքեթպոլի ակումբներու  ախոյեանութեան բաժակին:

Այս առթիւ «Արեւելք» ջերմօրէն կը  շնորհաւորէ ՀՄԸՄ-ը,  անոր մեծ  ընտանիքն ու  աշխարասփիւռ  անդամներն ու մարզիկները: 

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ