9.09c
Երեվան
շբթ, մյս 16
Ընկերայի-տնտեսական ուսումնասիրութիւններու հայկական կեդրոնը (ACSES) հրապարակած է Հայաստանի 10 խոշոր քաղաքներու մէջ բնակչութեան թիւի ցուցանիշները 2001-էն 2022 թուականներու կտրուածքով։
Հայաստանի մէջ բնակչութեան թուաքանակը 2001-էն 2022-ը նուազած է 8.7%-ով՝ հասնելով 2,932,731-ի, ընդ որում՝ բնակչութեան թիւի անկման ընթացքը աւելի արագ եղած է մարզային քաղաքներու պարագային՝ 18.4%, համեմատութեան համար՝ դիտարկուող ժամանակահատուածին մէջ Երեւանի բնակչութիւնը նուազած է 1.5%-ով, իսկ գիւղական բնակչութիւնը՝ 7.5%-ով։
Ներկայիս մարզային 47 քաղաքներու մէջ կ՚ապրի 785,236 մարդ, բնակչութեամբ ամենամեծ քաղաքը Գիւմրին է՝ 112,301, իսկ ամենափոքրը՝ Սիւնիքի մարզի Դաստակերտ քաղաքը՝ 227 բնակիչով։
Դիտարկուող ժամանակահատուածին մէջ մարզային քաղաքներու շրջանին մէջ բնակչութեան թիւի ամենամեծ անկումը գրանցուած է Ծաղկաձորի մէջ (-38%), որուն յաջորդած են Գաւառը (-33%), Թալինը (-30%), Վանաձորը (-30%) եւ Կապանը (-28%)։
2001-ի համեմատ բնակչութեան թիւի աճ արձանագրուած է քաղաքներէն հինգին մէջ՝ Ագարակ (17 անգամ), Բիւրեղաւան (28%), Եղուարդ (6%), Աբովեան (4%) եւ Արթիկ (0.5%):
