22.65c
Երեվան
ուրբ, հնս 19
Հայաստանի մարմնամարզութեան հաւաքականը պիտի մասնակցի Տոհա կայանալիք աշխարհի բաժակի մրցումներու երկրորդ փուլին:
«Արմէնփրէս»-ի հաղորդմամբ` ինչպէս կը հաղորդէ Հայաստանի մարմնամարզութեան ֆետերասիոնը, առանձին գործիքներու աշխարհի բաժակի երկրորդ փուլը տեղի պիտի ունենայ 1-4 մարտին Քաթարի մայրաքաղաք Տոհայի մէջ, որուն Հայաստանը պիտի մասնակցի հետեւեալ կազմով. մարզիկներ՝ Յարութիւն Մերդինեան, Արթուր Դաւթեան, Վահագն Դաւթեան, Արթուր Աւետիսեան, Գագիկ Խաչիկեան: Մարզիչներ՝ Սոս Սարգսեան, Հայկ Նազարեան եւ մրցավար՝ Յակոբ Սերոբեան:
Աշխարհի բաժակի մրցումներու առաջին փուլին Գերմանիոյ Քոտպուս քաղաք կայացած մրցաշարին Գագիկ Խաչիկեան (նժույգ-թափեր) դարձաւ արծաթեայ մետալակիր, Արթուր Աւետիսեան (օղակներ)` պրոնզեայ եւ Արթուր Դաւթեան (յենացատկ) ոսկեայ մետալակիր:
